|
Ahnone, Ahwothe,
Kubac d bedeno be hkeye galabe cateqto...
Shato 1957´yo, Mor Afrem Barsawmo, fateryarxo di cito seryayto ortodoksayto, nqil mah haye. Ged misem fateryarxo hatho... Man ged howe? Nosho culmoyo madco latle...
Kito tre noshe, hani ha menayye klozem d huwewo fateryarxo... Ha Hasyo Hanna Dolabani´we w u hreni, hasyo Fawlus Behnam... U qamoyo bu cumro raboyo w bether me Terkiya´yo, dlo ezze howe mi dawle naqla hreto delem... Hawxa ah hasye, kowe neqosho baynothayye... Bi harayto kmoten ah hasye kulle, ger me hasyo Yacqub Bartelloyo, l natije, kebci d howe fateryarxo Fawlus Behnam. Zlam qaroyo, fehumo, hakimo bi dabara, semoloyo, ketle axlaq cloyo w kmerhem...
Ger mene noshe fateryarxo mahwo le kowe...
Meqem d loyem u sennados b galabe, hasyo Yacqub Bartelloyo, kkothew rapor 25 fethotho cal Fawlus Behnam lam muxabarat du Ceraq. Bu rapor komer: "... Fawlus Behnam ha Marksistyo, kqore kthowe di semoloyutho w ketle calaqat cam i muxalafe du Ceraq..."
Hawxa kmixarbeq u Fawlus Behnam cam am muxabarat du Ceraq. Kmicaqeb, kmegresh li ifade w kmetele kewo... Meqem med menqel mah haye, kobe 3000 dinore l noshe b gawe dam muxabarat shan d odec manyo u kathowo du rapor. Kalla galabewe. Mdayanle mu ahel dide w mar rhimayde. Hawxa qayethle d hoze u rapor.
I naqqa de hzele tahte du rapor eshme d hasyo Yacqub Bartelloyo, mdarqel lishone haw qader d mejgel...
Dacer lu bayto, bether li qastaxana, bether le dacer lu bayto bcij w mayeth...
Ac citawothaydan kulle, dayem cwedde, kcewdi w ged cuwdi cam ad duwal de qtelle u camaydan.
Kul naqla hzelan u galto ban noshe d larwal menayna... Kumarno galtona, athi u zawno d huzena u galto d ruhayna. Bas lo bi caksiye, lo bi mqarrasiye w lo bi barbariye...
Bi arco d Awruppa, ketlan galabe kuhne, kcuwdi cam Suriya, cam Terkiya, cam u Iran w hatta cam Barzani...
Hazayel afandi, u zlam d manyo? Idicoyo. Men kobec d soyem? Latyo talyo. D othe b ide, ged mahet kul ha cawodo lu camo qem daq qasobe dat terk w dac carab... Kobec adyawma d matfe i masale d ketlan bu mestaqbel... Kito ger mene ste, latyo belhude...
Ucdo kemshayalno, ahna men kiban d saymina shna dlo howelan hawxa noshe b rishe di cito? Madrashto, siyase, huyodo, athro, lishono,.... men? Hawi zabno de mnaqshina, w bether d cuwdina. Knutarno xabro, xabre pozitif w negatif me kulxu ...
|
