|
Ahe w Ahwotho,
Amino, Hajji Amin Be-Mahmado nqil mah haye, Alo mhasele. Bi cayle deb
Mahmado, ha xedwothe lawile dawro pozitif lashan as seroye b Medyad w hatta
baq qeryawotoh d Medyad...
Medyad, bether mu harb dat tre, kayiw galabe risha ma mhalmoye d Astel...
Shato 1971, hawi hadisa rabtho b Medyad. Sabri Be-Denye, ged guwarwo cam
hdod calawiye, bu asel armenayto... An noshathe bu Sayfo, casen b Malatya
gab noshe w bether hawen calawiye.
Astel w i mhalmayto shamici bi masale, hajimi cal i saraye b Astel, medde i
calawiye, mhalle lu Sabri w lan noshayde bimomo... Eno meqem mu hjomo
tamowi, u yawmo ste 1 shbot´we.
B cayni shato, bu yarho de hziren, i calawiye blalyo mahzamla me Astel,
athyo l Medyad. Bether bdela li mhalmayto w ak kurmanj, kul lalyo d hujmi
cal Medyad. Ah hajome dlo frosho, bab bote kulle mehanwo... Yacni bab bote
dat taye ste.. Am mahoye bu lalyo qamoyo, kothe l boli blalyo b kurmanji
mhawriwo: Waren lawo fellahno, darkaven... Msacriwo w mehanwo bat tfenag
otomatik.
Bal lalyani, bu qaraqol, ap puweles dayem shtoyo shutanwo w mkayfiwo...
Mhalle yawmo-tre, tlotho, safro azzan d fethina ad dukkane. Nahet u mhasyo d
Hajji Amino, w u mhasyo d Nuri d Hazara-Bani, b surayt emmi: I shuqo d
Medyad, nosho le kowe d foteh dukkano, sxaru ad dukkane kulle w toxu acmayna
lu Dortyol d Medyad. Men steloyo d meskitu, nuku i emayde!
I shuqo d Medyad kula nahito. B qamuthayna, cammo Nuri w cammo Amin, emmi:
Hjamu lac carabat dan esteloye!
U ha de mseklan, axile muklo dah hmore, galabe menayye mahzamme xalisi. Me
bethrayye u mhasyo d cammo Amin b carabi merlelen: Ida wehed menken ja li
Medyad, emmu ten nika, kartex latejawn li Medyad...
Bu dortyol, steloyo le fayish. 2-3 yawme, shuglo haw semme w nafilo i qalmo
cal Astel, la´an u lahmathe cal fothe d Medyad uxliwole.
Mashkalle, mahette cammo Amin w Nuri arbci (40) yawme bu habis. An noshe d
Medyad hawenne moro lenne w lac caylatathe...
Hawxa nafeqiwo haso lahna b Medyad...
Kumarno naqla hreto meqem mi shatahewa, 1970, macmeriwo u jimnasyum d
Medyad, latwolan duktho d qurena. B Astel naqla hreto ketwo madrashto,
blalyo quranwo abnotho biyya. Bas bimomo xlithowa. Semulle jimnasyum,
ezzanowo bimomo lu qroyo... cadewa, u ha d ubacwo halxo w u ha d ubacwo bi
caraba ezzewo li madrashto. Ahna at talmide b falge du haq ezzanowo...
Cal d ketwa i madrashto b Astel, an esteloye, merre: Le kowe b haq kamilo
ged meblinalxu.. Semlan protesto. Merlan l Hajji Amin, ketwole otboso, omer:
Yalla rwaxu kulxu, dlo kallat, ged mawbalnolxu l Astel li madrashto.
Rawixina w azzan, am more dac carabat d Astel kulle athen bethrayna
bethrayna l Asel, bi dektho d kalina qariwo li rawmo d Astel´we. Hajji Amin
b kurmanji w b seryoyo omer: Ya talaba nosho menayxu ter le nohet! Qamayto
ged nuhatno msafeno ay yaqed babani w bether toxu nhatu, tamam!
W nahet mu otobos, hajem acle kibe 40-50 qaloce w mcawenin... Caber benne
bad dekome w kmadrelen, galabewen... Ketwolan Sharif u abro den Chalabiyo, b
kurmanji omer: Talabe hamu darkaven, estili jwarrana... (Ya talaba nfaqu w
hrashu lan esteloye).
baynothayna hawi qale rabtho w sharina bethre dan esteloye b gawe d Astel.
Nosho haw majrele d othe lafelayna...
Azzan kulayna cam hdode li madrashto... At talaba d meqem menayna caberiwo
lawgel...
Hajji Amin omer: Ayna saca ged nefqitu, ged utheno bu otbos lashan d
madcarnolxu... Meralle w azze dacer l Medyad. Hawxa Cammo Amin Be-Mahmado
mcawanwole ahna aq qaroye du jimnasiyum...
Ya Cammo Amin Aloho mhaselox!
|
