|
Kusura bakmayin bu seferligine duygularimi Suryanice aktarmak istiyorum.
BESYO
Bazabne dfayit galabe mejgelan. Elo ucdo hawfayish snikutho li shtacaliye. Liyan ucdo u zabno dtayim u mamloyo.
A noshe dkit ucdo dekshimci acleyna bu zoyudo me sababe mshahlife mahzamme mu athrathe u hawin goluye bi nukhrayto u rahiqi marhimaththe. Bele lanoshani grishshe casqutho galabe. Belkiste kul yawmo ba lebawotheththe damce makhirre. Telyo telyo. Elo hesh shansline. Liyan hesh kocayshi.
Anabohotheyden; meqem mucdo b2500 eshne b Harran, b1500 eshne b Antaqya, b1000 eshne b Urhoy, b500 eshne b Turcabdin u bu dashto dNinve u 95 eshne yani bi shato d1914-15 dcayishiwa latvalle shans khedwothena. Liyan latwalle duktho dizzen.
A noshe dketweyne yawmed hushabo dfayet bi cito Süryayto-Katolikayto b’Bugdodste letwelle shans i naqla dihjim aclayye. Mavkhaste latwa derbo bkamutheyye jger mu mawto. Liyan latwene hadire doben terk du athrathe, di citathe.
İdictoyo lkuleyna. Hani olufe dishne bkul sbutho kohozina zarar u ko miktolina. A hayle hakome kumkatli camehdode; ahna komiktolina. Kowe sakibloyutho da mazhabe, da dine ahna komiktolina. Kowe talane u ktolcame nakla hreto ahnana dikmiktolina. Qay?
Liyan lawilan methtaksonutho, lawilan haylo siyasi, latlan haylo caskari u muhimter me kulmede latlan talabe. Mawkhaste bkul sbutho kofeyshina tahte da ragle u beynothe da deve dlo mdafaca u dlo sermiyan. Liyan noshe lik hozelen, lik hoshawlan u likmahmelan.
Ucdo harkeste be ayko dkitna; latlan ti amniye da hayeyden dkiban nıfkina sag li shuctho dibkamuthena.........
Ma hesh lo basyo................
İ kaleyden beynoth dehdode ma limakfela..................
Hesh kmo citho u deyre madidan gimitahidi, kmo kiryawothe u mdinotho madidan gedmitakhlen u kmo noshe ma du cameyden gedmektel lashan mahisina..................
Besyo!
Besyo!
Besyo!
Bi haymonutho dba casralfawat dkigotowino b’Bruksel!
Shlome
Demir Tuna
|
