|
Ahunone w Ahwotho,
Haqqa wahsane, anjax an noshe wahsh kiben saymila. W du shrolo an noshani d lowen wahsh abre d wahsh, hawxa aydarbo ged saymi? Zcurto nacemto, dlo emkan
d mede, disho, lisho, rjimo w hesh lebe da wahsh le fayehwo acla bether mu mawto ste. Mdawamme bak kefe shife, rafsat, pazat, riyoqo w shmette jula,
mzaltenulle. Hano anjax bad dore catiqe, bu zabno d latwo madco hawxa misamwo. Adyawma bu doro da 21´na, cayni kowe w macnata u nosho hesh wahshi abre d wahshiyo.
Kmeftakarno ban abnotho das seroyaydan, meqem de qtile b hawxa wahshane, sertotho law wahsh dak kurmanj, dac carab, dat terk, dac cazariye w dat taye hrene le tralle bethrayye bas kumarno cayn hawxa qtili hanek ste. Alfo
gawre cal bartho zcerto acemto! Htitho, lo femo, lo ido, lo raglo w lo emkan de mdafco...
Ahnone, hawxa halat kito baynothayna ste. Dlo rahme, qutlina ahna ste an abnotho seroye, d kezzen cam at taye... Bas ahna le kmejgelina aclayye,ktulena u caybano. Kshemcina w kemkasenale. Hal hano halyo? Klozem hawxa
medone d minaqshi qayo kowen, aydarbo kowen,... men saymina shan d lowen?
U dalomo, man d howe tro d howe, eshme dalomoyo, hano dowe seroyo ste,dalomoyo, kurmanj ste dalomoyo, terk ste dalomoyo, carab ste dalomoyo.Kulan ketlan abnotho, ahwotho... Men saymina, aw men darbo melfina shan an
abnothaydan d lezzen cam hawxa noshe wahsh? Ketlan darbo du tuwlifo? Lo! Ketlan masherone? Lo! Ketlan kthowo d yulfi? Lo! Ketlan caqel w meho? Lo!
Ketlan hubo? Lo! Ketlan karaze w karoze? Lo! Khuzeno, gesht kul mede lo, lo, lo, w lo´yo u jawab dide...
An abnothaydan men ged saymi i naqqayo? Darbo latte, henne ged mejbori saymenne darbo?Ahnone, kul naqla shan galabe medone d ketne zahme, kemmina: Hawi zabno,klozem saymina mede, kmaqemina calcole, bas med fayit eshmo d zabno,
kuuuuulan mede le ksaymina! Man ged soyem? Madam ahna le ksaymina an abnotho henne ged saymi darbo l ruhayye w hawxa trajediye ged howe, ntiroyo ste.
|
